Ipagiza iran rka (ya Mohammad) so olanolan a pagaadatan so kambonoay ron. Na tharoang ka a: "So kambonoay ron na mala a dosa; go so kaalangi ko lalan o Allah, go so kaongkira on, go so (kaalangi ko) Masjid Al-Haram, go so kapakaawaa on ko taw ron;" na lawan roo a mala (a dosa) sii ko Allah go so kapanakoto na lawan a mala (a dosa) a di so kapamono. Na di siran nggnk sa kapphamonoa iran rkano taman sa di kano iran mapakaawa ko agama niyo o khagaga iran. Na sa taw a mawa rkano ko agama niyan na, go matay a kapantagan a skaniyan na di mapaparatiyaya, na siran man na miyailang so manga galbk iran sii sa doniya, go sa akhirat; ka siran man i manga taw ko naraka sa ron siran on dn makakakal.